Welcome ! Where members believe:

Thought should be free from any type of sectarianism.

Authenticity of thought should be free from book, person or traditions.

Recognition of person should be free from any type of titles.

Incentive for work should be free from any type of punishment and greed. 

Don't have a preplanned picture of the society let it evolved in the context of time, place and person.

विष्णुसहस्त्रनामस्तोत्रम्

श्री परमात्मने नमः 

विष्णुसहस्त्रनामस्तोत्रम्

यस्य स्मरणमात्रेण जन्म्संसारबन्धनात । 

विमुच्यते नमस्तस्मै विष्णवे प्रभविष्णवे ॥ 

नमः समस्तभूतानामादिभूताय भूभृते । 

अनेकरूपरूपाय विष्णवे प्रभविष्णवे ॥ 

वैशम्पायन उवाच 

श्रुत्वा धर्मानशेषेण पावनानि च सर्वशः । 

युधिष्ठिरः शांतनवं पुनरेवाभ्यभाषत ॥1॥ 

युधिष्ठिर उवाच 

किमेकं दैवतं लोके किं वाप्येकं परायणम् । 

स्तुवंतः कं कमर्चंतः प्राप्नुयुर्मानवाः शुभम् ॥2॥ 

को धर्मः सर्वधर्माणां भवतः परमो मतः । 

किं जपन् मुच्यते जंतुर्जन्मसंसारबन्धनात् ॥3॥

 

भीष्म उवाच

 

जगत्प्रभुं देवदेवमनंतं  पुरुषोत्तमम् ।

स्तुवन् नामसहस्त्रेण पुरुषः सततोत्थितः ॥4॥

...

सर्वप्रहरणायुध ॐ नम इति ॥

इतीदं कीर्तनीयस्य केशवस्य महात्मनः ।

नाम्नां सहस्रं दिव्यानामशेषेण प्रकीर्तितम् ॥121॥

...

विश्वेश्वरमजं देवं जगतः प्रभवाप्ययम् ।

भजंति ये पुष्कारक्षं न ते यांति पराभवम् ॥142॥ 

ॐ तत्सदिति श्री महाभारते शतसाहस्त्र्यां संहितायां वैयासिक्यामानुशासनिके पर्वणि भीष्मयुधिष्ठिरसंवादे श्री विष्णोर्दिव्यसहस्त्रनामस्तोत्रम् ॥ 

 

अन्नपूर्णास्तोत्रम् (लिखित एवं वाचन)

नित्यानन्दकरी वराभयकरी सौन्दर्यरत्नाकरी 

निर्धूताखिलघोरपावनकरी प्रत्यक्षमाहेश्वरी । 

प्रालेयाचलवंशपावनकरी काशीपुराधीश्वरी 

भिक्षां देहि कृपावलम्बनकरी मातान्नपूर्णेश्वरी ॥1॥ 

नानारत्नविचित्रभूषणकरी हेमाम्बराडम्बरी 

मुक्ताहारविलम्बमानविलसद्वक्षोजकुम्भांतरी । 

काश्मीरागरुवासिताङगरुचिरे  काशीपुराधीश्वरी  

भिक्षां देहि कृपावलम्बनकरी मातान्नपूर्णेश्वरी ॥2 ॥

योगानन्दकरी रिपुक्षयकरी धर्मार्थनिष्ठाकरी 

चन्द्रार्कानलभासमानलहरी त्रैलोक्यरक्षाकरी । 

सर्वैश्वर्यसमस्तवाञ्छितकरी काशीपुराधीश्वरी 

भिक्षां देहि कृपावलम्बनकरी मातान्नपूर्णेश्वरी ॥3॥

कैलासाचलकन्दरालयकरी गौरी उमा शङ्करी 

कौमारी निगमार्थगोचरकरी ओंकारबीजाक्षरी । 

मोक्षद्वारकपाटपाटनकरी काशीपुराधीश्वरी 

भिक्षां देहि कृपावलम्बनकरी मातान्नपूर्णेश्वरी ॥4॥ 

दृश्यादृश्यविभूतिवाहनकरी ब्रह्माण्डभाण्डोदरी 

लीलानाटकसूत्रभेदनकरी विज्ञानदीपाङ्कुरी । 

श्री विश्वेशमनःप्रसादनकरी काशीपुराधीश्वरी 

भिक्षां देहि कृपावलम्बनकरी मातान्नपूर्णेश्वरी ॥5॥ 

उर्वीसर्वजनेश्वरी भगवती मातान्नपूर्णेश्वरी 

वेणीनीलसमानकुंतलहरी नित्यान्नदानेश्वरी । 

सर्वानन्दकरी सदा शुभकरी काशीपुराधीश्वरी 

भिक्षां देहि कृपावलम्बनकरी मातान्नपूर्णेश्वरी ॥6॥ 

आदिक्षांतसमस्तवर्णनकरी शम्भोस्त्रिभावाकरी 

काश्मीरात्रिजलेश्वरी त्रिलहरी नित्याङ्कुरा शर्वरी । 

कामाकाङ्क्षकरी जनोदयकरी काशीपुराधीश्वरी 

भिक्षां देहि कृपावलम्बनकरी मातान्नपूर्णेश्वरी ॥7॥ 

देवी सर्वविचित्ररत्नरचिता दाक्षायणी सुन्दरी 

वामं स्वादु पयोधरप्रियकरी सौभाग्यमाहेश्वरी । 

भक्ताभिष्टकरी सदाशुभकरी काशीपुराधीश्वरी 

भिक्षां देहि कृपावलम्बनकरी मातान्नपूर्णेश्वरी ॥8॥ 

चन्द्रार्कानलकोटिकोटिसदृशा चन्द्रांशुबिम्बाधरी 

चन्द्रार्काग्निसमानकुंतलधरी चन्द्रार्कवर्णेश्वरी । 

मालापुस्तकपाश्साङ्कुशधरी काशीपुराधीश्वरी 

भिक्षां देहि कृपावलम्बनकरी मातान्नपूर्णेश्वरी ॥9॥ 

क्षत्रत्राणकरी महाऽभवकरी माता कृपासागरी 

साक्षान्मोक्षकरी सदा शिवकरी विश्वेश्वरश्रीधरी ।

दक्षाक्रन्दकरी निरामयकरी काशीपुराधीश्वरी 

भिक्षां देहि कृपावलम्बनकरी मातान्नपूर्णेश्वरी ॥10॥ 

अन्नपूर्णे सदापूर्णे शङ्करप्राणवल्लभे । 

ज्ञानवैराग्यसिद्ध्यर्थं भिक्षां देहि च पार्वति ॥11॥ 

माता च पार्वती देवी पिता देवो महेश्वरः । 

बान्धवाः शिवभक्ताश्च स्वदेशो भुवनत्रयम् ॥12॥ 

॥ इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौ अन्नपूर्णास्तोत्रं सम्पूर्णम् ॥